اسلام آباد(نیوزڈیسک) معروف صحافی،مصنفہ ،کالم نگار،شاعرہ و اور ریڈیو پاکستان پشاور کی سابق سکرپٹ رائٹر خلیق تبسم انتقال کرگئیں، تفصیلات کے مطابق معروف صحافی،مصنفہ،کالم نگار،شاعرہ اور ریڈیو پاکستان پشاور کی سابق سکرپٹ رائٹر خلیق تبسم بروز منگل 5جون کو اسلام آباد میں انتقال کرگئیں،ان کی نماز جنازہ ان کے گھر پشاور میں اداکی گئی اور آبائی قبرستان میں سپرد خاک کردیاگیا، مرحومہ تقریباً عرصہ 40سال
سے صحافت کے شعبہ سے وابستہ تھیں ،اس عرصہ میں ان کی تحاریرآئی ایس پی آر کے میگزین ہلال ،روزنامہ جنگ، نوائے وقت،روزنامہ مشرق سمیت متعدد اخبارات میں شائع ہوتی رہیں ، مرحومہ طویل عرصہ سے شدید بیمار تھیں اور بیماری کی وجہ سے گزشتہ چند سال سے صرف آئی ایس پی آر کے میگزین ہلال کیلئے ہی لکھ رہی تھیں۔خلیق تبسم کوان کی صحافتی وادبی خدمات پر متعدد ایوارڈز سے بھی نوازاگیا تھا۔
