ٹوبہ ٹیک سنگھ (مانیٹرنگ ڈیسک) تحریک انصاف کی ٹکٹوں کی ہنڈیا بیچ چوراہے پھوٹ گئی، واضح رہے کہ تحریک انصاف کی جانب سے امیدواروں کو ٹکٹ دینے کے بعد پارٹی کے اندر اور باہر احتجاج کا سلسلہ جاری ہے، تحریک انصاف کے بعض دیرینہ کارکن ٹکٹ سے محروم رہ گئے ہیں ایسا ہی ایک احتجاج منڈی بہاؤالدین
میں کیا گیا، ایک نجی ٹی وی چینل کی رپورٹ کے مطابق خاور خان گادھی کی جگہ چوہدری رمضان کو ٹکٹ دینے پر احتجاج کیا گیا، احتجاج کے موقع پر تحریک انصاف کے کھلاڑی اس نا انصافی پر ایک دوسرے سے ہی الجھ پڑے، ہاتھا پائی، دروازے اور شیشے ٹوٹ گئے، اس موقع پر کئی کارکن زخمی ہو گئے۔
