اسلام آباد (مانیٹرنگ ڈیسک)نگران وزیراعلیٰ پنجاب حسن عسکری پر تنقید نہ کریں، شہباز شریف کو اہم پیغام دے دیا گیا۔ پاکستان کے موقر قومی اخبار کی رپورٹ کے مطابق نگران وزیراعلیٰ حسن عسکری کے الیکشن کمیشن کی جانب سے منتخب کئے جانے کے بعد ن لیگ کی جانب سے حسن عسکری پر تنقید اور اعتراضات سامنے آئے تھے تاہم اب ن لیگ کی پالیسی میں تبدیلی دیکھی جا رہی ہے اور اس سلسلے میں مسلم لیگ ن کے مرکزی رہنما سینیٹر
مشاہد حسین نے شہباز شریف سے اہم ملاقات کی ہے ۔ مشاہد حسین نے ملاقات میں شہباز شریف سے اس حوالے سے اپنے تحفظات کا اظہار کیا اور پارٹی قیادت کوحسن عسکری پر تنقید نہ کرنے کا مشورہ دیا ہے۔ مشاہد حسین سید کا شہباز شریف کو کہنا تھا کہ حسن عسکری جمہوریت پسند ہیں انہیں سپورٹ کریںباخبر ذرائع کا کہادعویٰ ہے کہ مشاہد حسین سید کی مداخلت کے بعد ن لیگ نگراں وزیر اعلیٰ کے بارے میں پالیسی میں تبدیلی کرے گی ۔
