اسلام آباد(مانیٹرنگ ڈیسک)پی ٹی آئی سوشل میڈیا ونگ کی جانب سے ’’مائی جرنی ود خان‘‘کے ہیش ٹیگ کے ساتھ انوکھی مہم کا آغاز، کپتان کے ہزاروں فینز نے چند ہی گھنٹوں میں اپنی ویڈیوز اپلوڈ کر کے داستانیں سنا دیں، پنجاب پولیس کا اہلکار بھی کپتان کا دیوانہ نکلا، عمران خان کو مخاطب کر کے محبت کا والہانہ انداز۔ تفصیلات کے مطابق پی ٹی آئی سوشل میڈیا ونگ کی
جانب سے MYJOURNEYWITHKHAN # کے ہیش ٹیگ کیساتھ سوشل میڈیا پر انوکھی مہم کا آغاز کرتے ہوئے عمران خان کے فینز سے کہا ہے کہ وہ کپتان کے ساتھ اپنے سفر بارے ویڈیوز MYJOURNEYWITHKHAN # کے ساتھ سوشل میڈیا پر پوسٹ کریں جس کے بعد چند ہی گھنٹوں میں عمران خان کے ہزاروں فینز نے اپنی ویڈیو ز اپ لوڈ کردی ہیں جن میں انہوں نے عمران خان کے ساتھ اپنے سفر کی داستانیں سنائی ہیں۔ انہی ویڈیوز میں ایک نہایت دلچسپ فین کی بھی ویڈیو موجود ہے جو کہ پنجاب پولیس کا اہلکار ہے۔ پنجاب پولیس کے اہلکار مظہر حسین نے اپنی ویڈیو ’’مائی جرنی ود خان‘‘کے ہیش ٹیگ کے ساتھ سوشل میڈیا پر شیئر کرتے ہوئے اپنی ویڈیومیں عمران خان کے ساتھ والہانہ محبت کا اظہار کیا ہے۔ ویڈیو میں مظہرحسین کو کہتے سنا اور دیکھا جا سکتا ہے کہ وہ کہہ رہا ہے کہ میرا نام مظہر حسین ہے اور میں اس وقت ڈیوٹی پر موجود ہوں۔خان صاحب میں گلو بٹ نہیں ہوں۔میں سچا انصافی ہوں۔اور مجھےفخر ہے کہ میں ایسی پارٹی سے منسلک ہوں جس کے لیڈر سرٹیفائڈ ایماندار ہے،2011 ء کے جلسے کے بعد مجھے پی ٹی آئی سے اتنی شدید محبت ہوئی کہ میں تحریک انصاف کے منشور کے ساتھ سو فیصد متفق ہوں۔میں نے ہر الیکشن میںپی ٹی آئی کو ووٹ ڈالا ہے۔اور 2018ء کا الیکشن ہم خان صاحب کو جتوائیں گے اور ان کو پاکستان کا وزیر اعظم بنائیں گے۔مجھے اس بات پر فخر ہے کہ ہمیں ہمارے لیڈر سےہمیں اتنا شعورملاہے کہ ہم اپنے لیڈر کی غلطی سے متعلق بھی بات کرتے ہیں،اللہ کا شکر ادا کرتے ہیں کہ انہوں نے ہمیں عمران خان جیسا لیڈر دیا۔
