کوئٹہ(آن لائن)بلوچستان کے علاقے لورالائی میں پسند کی شادی کی خواہش پر باپ اور چار بھائیوں نے نوجوان کی دونوں آنکھیں نکال دی پولیس نے بروقت کا رروائی کر تے ہوئے زخمی نوجوان اور دو بھائیوں کو گرفتار کر لیا زخمی ہونیوالے عبدالباقی کی دونوں آنکھیں ضائع ہو گئی تفصیلات کے مطابق لورالائی کے علاقے ناصر آباد میں پسند کی شادی کی خواہش پر باپ اور بھائیوں نے عبدالباقی کا کمرے میں بند کر کے ان کے دونوں آنکھیں نکال دی
پولیس کے مطابق زخمی نوجوان عبدالباقی پسند کی شادی کرنا چاہتا تھازخمی نوجوان کے باپ اور 2بھائیوں کوگرفتارکرلیاگیا ایس ایچ او مجیب الرحمان نے ’’ آن لائن کو بتایا کہ ‘‘عبدالباقی کی دونوں آنکھیں ضائع ہوگئی ہیں خمی کو ابتدائی طبی امداد کے بعدمزید علاج کیلئے کوئٹہ روانہ کردیاگیا زخمی ہونیوالے عبدالباقی نے ’’آن لائن‘‘ کو بتایا کہ باپ اور بھائیوں نے والدہ کو کمرے میں بندکرکے مجھے رسیوں سے باندھاباپ اور بھائیوں نے پہلے چمچ سے آنکھیں نکالیں پھر چھری سے کاٹ لیں عبدالباقی نے بتایا کہ ایک آنکھ نکالنے کے بعدمنتیں کیں کہ دوسری آنکھ تو بخش دو لیکن انہیں رحم نہ آیاچار سال سے دکی کی رہائشی ایک لڑکی کو پسند کرتا تھاوالد اور بھائیوں کو رشتے پر اعتراض تھا اور کہتے تھے فون پر گپ شپ کرنیوالی لڑکی سے رشتہ نہیں ہونے دینگے ، آئی اسپیشلٹ نہ ہونے کی وجہ سے علاج میں تاخیر ہوئی زخمی کے بھائی عبدالغفار نے بتایا کہ سول ہسپتال والے کہہ رہے ہیں بھائی کو ہیلپر ہسپتال لے جاؤ لیکن وہاں بھی رات کو ڈاکٹر نہیں ہے پھر صبح گئے ہیلپر ہسپتال میں علاج کا سلسلہ شروع ہوا انہوں نے حکومت سے اپیل کی کہ بھائی کے علاج کے لئے ہمارے ساتھ تعاون کیا جائے۔
