اسلام آباد(آ ئی این پی)70ویں یومِ آزادی کی تقریبات کے سلسلے میں پارلیمنٹ ہاؤس میں بھی ایک پروقار تقریب کا انعقاد کیا گیا جس میں چیئرمین سینیٹ میاں رضاربانی اور سپیکر قومی اسمبلی سردار ایاز صادق نے یادگارِ جمہوریت پر پھول چڑھائے، یادگارِ جمہوریت پر پھول چڑھانے کے بعد صحافیوں سے گفتگو کرتے ہوئے چیئرمین سینیٹ میاں رضاربانی نے کہاہے کہ
آئین کے تحفظ اور پاسداری کے لیے قوم کو متحد ہونا پڑے گا، پارلیمان عوامی امنگوں کی ترجمان ہے اور جمہوریت کے استحکام میں پارلیمان کا کلیدی کردار ہے،آج تجدید عہدکا دن ہے اور وفاق کو مضبوط بناکر ملک کو عظیم بنانا ہے، ہمیں اس عہد کی تجدید بھی کرنا ہوگی کہ آئینی اداروں کو ان کے صحیح حقوق دیئے جائیں اور تصادم کا راستہ اختیار کیے بغیر ملک کو ترقی اور خوشحالی پر گامزن کرنا ہوگا، ہم تاریخ کے اس موڑ پر کھڑے ہیں جس میں ہمیں اداروں کے مابین تصادم سے بچنا ہوگا اگر آج بھی ہمیں دانشمندانہ فیصلہ نہ کیے تو تاریخ ہمیں کبھی معاف نہیں کرے گی۔ پیر کویومِ آزادی کی تقریبات کے سلسلے میں پارلیمنٹ ہاؤس میں بھی ایک پروقار تقریب کا انعقاد کیا گیا جس میں چیئرمین سینیٹ میاں رضاربانی اور سپیکر قومی اسمبلی سردار ایاز صادق نے یادگارِ جمہوریت پر پھول چڑھائے۔ اس موقع پرسیکرٹری سینٹ امجد پرویز ملک کے علاوہ قومی اسمبلی اور سینٹ کے اعلیٰ حکام بھی موجود تھے۔چیئرمین سینیٹ میاں رضاربانی نے کہا ہے کہ آئین کے تحفظ اور پاسداری کے لیے قوم کو متحد ہونا پڑے گا۔ پارلیمان عوامی امنگوں کی ترجمان ہے اور جمہوریت کے استحکام میں پارلیمان کا کلیدی کردار ہے۔ 70ویں یومِ آزادی کی تقریبات کے سلسلے میں یادگارِ جمہوریت پر پھول چڑھانے کے بعد صحافیوں سے گفتگو کرتے ہوئے چیئرمین سینٹ نے کہا کہ آج تجدید عہدکا دن ہے اور وفاق کو مضبوط بناکر ملک کو عظیم بنانا ہے۔ انہوں نے کہا کہ ہمیں اس عہد کی تجدید بھی کرنا ہوگی کہ آئینی اداروں کو ان کے صحیح حقوق دیئے جائیں اور تصادم کا راستہ اختیار کیے بغیر ملک کو ترقی اور خوشحالی پر گامزن کرنا ہوگا۔
انہوں نے کہا کہ ہم تاریخ کے اس موڑ پر کھڑے ہیں۔ جس میں ہمیں اداروں کے مابین تصادم سے بچنا ہوگا اگر آج بھی ہمیں دانشمندانہ فیصلہ نہ کیے تو تاریخ ہمیں کبھی معاف نہیں کرے گی۔ ہمیں قائد اعظم کے پاکستان کی ترقی اور خوشحالی کے لیے ملکر کام کرنا ہوگا جس کا تصور قائد اعظم محمد علی جناح نے اگست 1947کی تقریر میں واضح طور پر دیا تھا۔(و خ )
