اسلام آباد(آن لائن)تھانہ سیکرٹریٹ کے علاقے مل پور میں اراضی کے تنازعہ پر دو گروپوں میں فائرنگ کے تبادلے میں دوافرادجاں بحق جبکہ دوشدیدزخمی ہوگئے۔پولیس اورامدادی ٹیموں نے زخمیوں اورلاشوں کو پولی کلینک ہسپتال شفٹ کرادی ہیں۔
معلوم ہواہے کہ مل پورمیں دوگروپ میں فائرنگ کے تبادلے میں دوافراد چوہدری رفعت اورراجہ کامران جاں بحق ہوگئے جبکہ دوافراد شدیدزخمی ہوگئے۔پولیس کے مطابق واقعہ اراضی کے تنازعہ پر پیش آیا۔واقعہ کی اطلاع پر پولیس جائے وقوعہ پر پہنچ گئی اوردونوں گروپ کے متعدد افراد کو گرفتارکرکے اسلحہ بھی برآمد کرلیاہے۔پولیس نے زخمیوں اورلاشوں کو پولی کلینک ہسپتال شفٹ کرادی ہیں۔فائرنگ کے بعد علاقے میں شدیدخوف وہراس پھیل گیاہے۔ پولیس نے مقدمہ درج کرکے تفتیش شروع کردی ہے۔
