اسلام آباد(مانیٹرنگ ڈیسک)جب کسی ملک کے بارے میں بات کی جائے تو اس کے حوالے سے لوگوں کے ذہن میں وہاں کی کوئی خاص چیز یا تصور ضرور ابھرتاہےاور گوگل کی مہربانی سے ہم جان سکتے ہیں کہ دنیا کے لوگ پاکستان کے حوالے سے کس چیز کا تصور سب سے زیادہ کرتے ہیں۔ پاکستان دنیا میں جس حوالے سےزیادہ مشہور یا جانا جاتا ہے وہ کافی دنگ کردینے والا ہے۔گوگل کے آٹو سجیسٹ کے ذریعے جانا ہے کہ لوگ ممالک کے حوالے سے سب سے زیادہ کیا گوگل پر سرچ کرتے ہیں اور اس سے یہ
بھی جانا گیا ہے کہ کوئی ملک کس حوالے سے سب سے زیادہ مشہور ہے ۔یہ حیران کن نہیں کہ غذائیں، مشروبات، کھیل اور تعطیلات سب سے عام ہیں مگر پاکستان اس حوالے سے سب سے مختلف ہے۔پاکستان کو گوگل کے مطابق ڈراموں کی وجہ سے جانا جاتا ہے جبکہ بھارت فوڈ اور مووی، سری لنکا چائے، افغانستان وار فلمز، چین چینی کے برتنوں اور امریکا یونیورسٹیوں کے حوالے سے جانا جاتا ہے۔لٹیویا ایسے ملک ہے جو لطائف کے حوالے سے جانا جاتا ہے جبکہ گیانا کو اسفنج کیک کی وجہ سے شہرت حاصل ہے۔
