اسلام آباد(آئی این پی )حکومت پاکستان نے غیر ملکیوں کو ویزے دینے کے نئے ضابطہ کار کو حتمی شکل دے دی، ہوائی اڈوں پر آمد کے موقع پر ویزوں کے اجراء پر پابندی عائد کردی ،وفاقی وزیرداخلہ چوہدری نثار علی خان نے تمام متعلقہ اعلیٰ حکام کو ہدایت کی ہے کہ نئے ضابطہ کار میں کسی بھی قسم کی نرمی کو برداشت نہیں کیا جا ئے گا ، نئے ضابطہ کار کو پیر کو اسلام آباد میں وزیرداخلہ کی صدارت میں اعلیٰ سطح کے اجلاس

میں حتمی شکل دی گئی ۔ ذرائع کے مطابق حکومت پاکستان نے ہوائی اڈوں پر آمد کے موقع پر ویزوں کے اجراء پر پابندی عائد کردی ہے جو غیر ملکی پاکستان آنا چاہے گا وہ ضابطہ کار کے مطابق پہلے متعلقہ سفارتخانے میں ویزہ کیلئے درخواست دے گا اور متعلقہ اداروں کی سیکیورٹی کلیئرنس کے بعد ہی ویزہ جاری ہو سکے گا ۔ فیصلہ کیا گیا ہے کہ ویزوں کا آن لائن سسٹم شروع کیا جائے گا اور کوئی فارن مشن پانچ سال کا ویزہ جاری نہیں کرسکے گا ۔ ایک سال کا ویزہ جاری ہوسکے گا اور ایسا بھی سیکیورٹی کلیئرنس کے بعد ہی ممکن ہوگا ۔ ذرائع نے یہ بھی بتایا ہے کہ غیر ملکیوں بالخصوص امریکیوں کو خلاف ضابطہ ویزے دینے کا سلسلہ سابق فوجی صدر پرویز مشرف کے دور میں سال 2007میں شروع ہوااور پیپلزپارٹی کے دور میں یہ سلسلہ عروج پر پہنچ گیا تھا ۔ یہ بھی بتایا گیا ہے کہ پاکستان میں بعض مواقع پر مشکوک غیر ملکی بغیر ویزوں کے بھی آتے رہے ۔  اجلاس میں وزیرداخلہ نے انتباہ کیا ہے کہ نئے ضابطہ کار میں کسی قسم کی خلاف ورزی کو برداشت نہیں کیا جائے گا اور ایسا کرنے والوں سے سختی سے نمٹا جائے گاگزشتہ روز اجلاس میں وزیرداخلہ نے انتباہ کیا ہے کہ نئے ضابطہ کار میں کسی قسم کی خلاف ورزی کو برداشت نہیں کیا جائے گا اور ایسا کرنے والوں سے سختی سے نمٹا جائے گا

موضوعات:پاکستان