اسلام آباد(مانیٹرنگ ڈیسک) جس دن لگا کہ پارٹی سے ملک وقوم کو نقصان پہنچ رہا ہے ،اسی دن پارٹی ختم کردیں گے، اختلافات رکھتے ہوئے جینےکا سلیقہ سیکھنا ہو گا ۔ان خیالات کا اظہار پاک سرزمین پارٹی کے سربراہ مصطفیٰ کمال نے کراچی میں پی ایس پی بزنس فورم

سے خطاب کرتے ہوئے کیا۔ان کا کہنا تھا 30 سال سے کراچی میں ایک جماعت کی حکمرانی رہی ہے، مہاجرکے نام پرجتنا مینڈیٹ تھا سب ان کو دے دیا مگر مہاجر کے حالات نہ بدلے۔ان کا کہناتھاکہ 22 اگست کے بعد بانی ایم کیوایم کا دفاع ان لوگوں کے لیے مشکل ہوگیا تھا،انہوں نے اس بات کو یکسر مسترد کرتے ہوئےکہا کہ یہ بات غلط ہے کہ مہاجر بانی ایم کیوایم سے دیوانہ وار محبت کرتے ہیں ۔مصطفیٰ کمال نے کہا کہ سیاست سے کچھ حاصل کرنے نہیں بلکہ سیاست کو بھائی سے بھائی کو ملانے کیلئے استعمال کر رہا ہوں۔ انہوں نے کہا کہ ہمارے طرز سیاست پر پر کئی اعتراض ہو سکتے ہیں اس پربحث ہوسکتی ہے،مگر ہم اسے بدلیں گے نہیں کیونکہ ہمارا کوئی ذاتی مفاد نہیں۔انہوں نے مزید کہا کہ اپنے حصے کے چراغ کو جلانے کی کوشش کی ہے،23 مارچ کو ہماری جدوجہد کا ایک سال مکمل ہوجائیگا ۔انہوں نے 23 مارچ کو جلسے کا اعلان بھی کیا۔اس موقع پر تقریب میں ایم کیو ایم کے سینیٹر عبدالحسیب خان بھی شریک ہوئے ۔عبدالحسیب خان کے تقریب میں پہنچنے پر مصطفیٰ کمال اور انیس قائم خانی نے ان کا استقبال کیا ۔

موضوعات:انیس قائم خانی بانی ایم کیو ایم پی ایس پی سینیٹر عبدالحسیب مصطفی کمال