پشا ور(آئی این پی )جمعیت علماء اسلام کے سیکرٹری جنرل وڈپٹی چیئرمین سینیٹ مولاناعبدالغفورحیدری کی صدارت میں صوبائی سیکرٹریٹ پشاورمیں صدسالہ عالمی اجتماع کے حوالے سے مرکزی میڈیاسیل کااجلاس ہواجس میںمرکزی ڈپٹی سیکرٹری اطلاعاتمولاناصلاح الدین ایوبی کے علاوہ چاروں صوبوں سے ارکان نے شرکت کی۔اجلاس میں صدسالہ اجتماع کی تشہیراورسوشل میڈیاپرمنظم اندازمیں ملک بھرکی سرگرمیوںکواجاگرکرنے پرغورکیاگیا۔اجلاس سے خطاب کرتے ہوئے مولاناعبدالغفورحیدری نے کہاہے کہ صدسالہ اجتماع ملکی تاریخ کاسب سے بڑااجتماع ہوگا
جس میںلاکھوں افرادشرکت کریں گے۔ 28ہزارکینال زمین مشتمل گراؤنڈتیارکیاجارہاہے جس پرٹریکٹرکام کررہے ہیں اورزمین ہموارکررہے ہیں اورٹیوب ویل بھی نصب کرکے پانی کاانتظام کیاجارہاہے۔ انہوں نے کہاکہ اجتماع میںجمعیت علماء ہندکے مرکزی میرمولاناسیدارشدمدنی،جنرل سیکرٹری مولاناسیدمحمودمدنی،دارالعلوم دیوبندکے مہتمم مولاناابوالقاسم ،امام کعبہ الشیخ عبدالرحمن السیدیس سمیت دنیابھرکی اسلامی تنظیموں کے سربراہان اورمسلم ممالک کے سفیرشرکت کریں گے۔ انہوں نے سوشل میڈیاپرسرگرم جمعیت کے کارکنوں کوبھی ہدایت کی کہ وہ صدسالہ اجتماع کے لئے بھرپوراندازمیں تشہیری مہم چلائیں۔انہوںنے کہاکہ دوماہ کی کم مدت رہ گئی ہے۔ اجتماع کی تیاریوں میں تیزی لانی ہوگی ۔اسلامی نظام کے نفاذاوراسلامی تہذیب کے تحفظ کرنے کے لئے یہ اجتماع سنگ میل ثابت ہوگا۔
