اسلام آباد (این این آئی) پاکستان تحریک انصاف کے وائس چیئر مین شاہ محمود قریشی نے کہا ہے کہ میرا تحریک انصاف میں شمولیت اختیار کرنے کا مقصد ملک میں تبدیلی لانا ہے۔میڈیا سے گفتگو کرتے ہوئے انہوں نے کہاکہ میراتحریک انصاف میں شمولیت اختیار کرنے کا مقصد ملک میں تبدیلی لانا ہے۔ملک میں ہرطرف کرپشن ہے اور اگر ملک کو کرپشن جیسے ناسور سے پاک کرنا ہے توسب سے پہلے ملک میں کرپٹ افراد کیخلاف بلا تفریق کارروائی کرنا ہوگی جو خود کو قانون سے بالاتر سمجھتے ہیں لیکن اس سے بھی پہلے ہمیں اپنے ملک کے نظام کو ٹھیک کرنا ہوگا کیونکہ جب تک نظام تبدیل نہیں ہوگا حالات میں بہتری نہیں آئے گی۔انہوں نے حکومت کو آڑھے ہاتھوں لیتے ہوئے کہا کہ موجودہ حکومت کی غلط پالیسیوں کے باعث ملک کے عوام کی حالت بہتر ہونے کی بجائے ابتر ہورہی ہے۔ امیر ’’امیر سے امیر ‘‘ اور غریب’’غریب سے غریب تر‘‘ ہوتا چلا جا رہا ہے۔