کراچی (این این آئی) متحدہ قومی موومنٹ پاکستان کے حق پرست ارکان قومی اسمبلی ڈاکٹر خالد مقبول صدیقی اور علی رضا عابدی نے وزیراعلیٰ خیبر پختونخوا پرویز خٹک کے خلاف قومی اسمبلی میں قرار داد جمع کرادی ہے ۔
قرار داد میں وزیراعلیٰ خیبرپختونخوا کی جانب سے اشتعال انگیزی، غیر سنجیدہ بیانات ، صوبائیت کی جانب لوگوں کو راغب کرنے ، لسانیت کو فروغ دینے ، صوبوں کے درمیان نفرت پھیلانے ، ملک کی سا لمیت کے خلاف دھمکیاں دینے ، پاکستان کے خلاف بغاوت کے نعرے بلند کئے جانے کی نشاندہی کی گئی ہے اور مطالبہ کیا گیا ہے کہ پرویز خٹک کے خلاف آرٹیکل 6کا مقدمہ درج کیاجائے اور اس کی ایوان کی رکنیت ختم کی جائے ۔
