اسلام آباد (این این آئی)وزیراعظم کے معاون خصوصی ڈاکٹر آصف کرمانی نے کہا ہے کہ عمران خان کی پاکستان اور جمہوریت کے خلاف سازشیں 2 نومبر کو دم توڑ جائیں گی۔ میڈیا سے بات چیت کرتے ہوئے انہوں نے کہاکہ عوام نواز شریف کے امن، ترقی اور خوشحالی کے ایجنڈے کی تکمیل چاہتے ہیں۔ انہوں نے کہاکہ مْودی اور عمران خان سی پیک کو ناکام بنانے کے ایجنڈے پر عمل پیرا ہیں۔ انہوں نے کہاکہ عمران خان کو قائد اعظم کے پاکستان میں انار کی پھیلانے کی اجازت نہیں دی جا سکتی۔ انہوں نے کہاکہ آئین اور قانون کی پاسداری پر عمل درآمد کو یقینی بنائیں گے ٗعمران خان سیاست کی بازی ھار چکے ہیں۔ انہوں نے کہاکہ عوام نے عمران خان کی اسلام آباد بند کرنے کے پروگرام کو مسترد کر دیا۔ عمران خان آئندہ دھرنے کا نام بھی نہیں لیں گے۔

موضوعات:عمران خان وزیراعظم