اسلام آباد (این این آئی) پاکستان تحریک انصاف کے رہنماء شاہ محمود قریشی نے کہا ہے کہ لوگوں کو پتا ہے کہ پرویز رشید کا استعفیٰ کس کے حکم پرہوا ٗحکومت اس معاملے پرپردہ پوشی کر رہی تھی۔نجی ٹی وی کے مطابق انہوں نے کہاکہ 20دن خاموشی کے بعد استعفیٰ کا فیصلہ کیا گیا ہے،کہانی یہاں تک محدود نہیں ، تانے بانے کہیں اور ملتے ہیں ٗ یہ قومی سلامتی کا معاملہ تھا جسے حکومت کی طرف سے چھپایا جا رہا تھا۔انہوں نے کہا کہ اگر حکومت نے راستے نہ کھولے تو پھر پی ٹی آئی نہیں خیبر پختونخوا کے عوام ان سے جواب لے گی۔پاکستان تحریک انصاف کے رہنما شاہ محمود قریشی نے کہا ہے کہ چھوٹا سا ٹولہ اقتدار کو طول دینے کیلئے دیوار کھڑی کر رہا ہے ٗحکومت منت ترلے کر کے مہلت مانگ رہی ہے ۔میڈیا سے گفتگو کر تے ہوئے انہوں نے کہاکہ ہمیں عملی طور پر نظر بند کر دیا گیا ہے اور انتظامیہ عدالتی احکامات پر عمل نہیں کر رہی ۔ ’’حکومت رات تک تمام راستے کھول دے‘‘اگر عوام ہمارے ساتھ نہیں تو راستے کھول کر دیکھ لیں ۔ راستے نہ کھولے گئے تو ہماری قیادت موٹر وے پر جائے گی ۔اگر راستہ نہ کھلا تو اگلے لائحہ عمل کا اعلان کیا جائیگا۔شاہ محمود قریشی نے حکومت سے سوال کیا کہ آپ کو راستے بند کرنے کا اختیار کس نے دیا؟ سندھ کو بھی پنجاب سے کاٹا جارہا ہے،کیا دفعہ 144سرف پی ٹی ائی کیلئے ہے ؟انتظامیہ نے جگہ جگہ کنٹینرزلگاکرسڑکیں بلاک کیں۔چھوٹے صوبوں کااحساس محرومی بڑھ رہاہے ۔ کے پی کے حکومت نے وفاق سے راستہ کھولنے کی اپیل کی ہے۔پاکستان تحریک انصاف کے رہنما شاہ محمود قریشی نے کہا کہ چھوٹا سا ٹولہ اقتدار کو طول دینے کیلئے دیوار کھڑی کر رہا ہے ٗحکومت منت ترلے کر کے مہلت مانگ رہی ہے ۔

موضوعات:شاہ محمود قریشی