اسلام آباد (مانیٹرنگ ڈیسک) بنی گالہ میں اس وقت ہنگامہ برپا ہو گیا جب عمران خان کے گھر میں ایک ڈرون گھس آیا۔ تفصیلات کے مطابق آج عمران خان کے بنی گالہ والے گھر میں ایک ڈرون گھس آیا جسے دیکھتے ہی کپتان کے سیکیورٹی سٹاف میں کھلبلی مچ گئی اور سٹاف الرٹ ہو گیا تاہم بعد میں پتہ چلا کہ ڈرون کسی میڈیا گروپ کی جانب سے چھوڑ ا گیا تھااورصرف بنی گالہ میںتازہ ترین کشیدہ صورتحال کی ویڈیو بنانے آیا تھا ۔ یہ ڈرون کس ٹی وی چینل کا تھا ؟ ابھی اس حوالےسے ذرائع خاموش ہیں ۔

دوسری جانب تازہ ترین تفصیلات کے مطابق اسلام آباد ، پشاور موٹر وے کو غیر معینہ مدت کیلئے بند کر دیا گیا ہے ۔ ذرائع کا کہنا ہے کہ حکومت کی جانب سے 2نومبر کا پی ٹی آئی کا دھرنا ناکام بنانے کیلئے اسلام آباد میں پشاور موٹر وے کو برھان کے مقام سے بند کر دیا گیا ہے۔ موٹر وے کو کنٹینرز لگا کر بند کیا گیا ہے ۔

موضوعات:بنی گالہ عمران خان