اسلام آباد(مانیٹرنگ ڈیسک) پاکستان تحریک انصاف کے وائس چیرمین شاہ محمود قریشی نے کہاہے کہ تحریک انصاف کی نہتی خواتین پرتشدد کس قانون کے تحت کیاگیاہے ۔میڈیا سے گفتگوکرتے ہوئے شاہ محمود قریشی غصے میں آگئے ۔انہوں نے کہاکہ اگرہمت ہے تومجھے گرفتارکروان بے گناہ خواتین کوگرفتارکرناحکومت کی بدحواسی ہے ۔شاہ محمود قریشی نے کہاکہ ہماری مائوں ،بہنوں پرلاٹھیاں برسائی جارہی ہیں جس کوہم ہرگزبرداشت نہیں کریں گے ۔شاہ محمود قریشی نے کہاکہ آئی جی اسلام آباد اورڈپٹی کمشنرمجھ سے بات کریں کہ اس تشدد کے لئے ان کوکس نے احکامات جاری کئے ہیں ۔شاہ محمود قریشی کہتے رہے کہ جج صاحب دیکھیں کہ یہ کیاہورہاہے ؟پولیس کاکہناتھاکہ پی ٹی آئی نے دفعہ 144کی خلاف ورزی کی ہے جس پرگرفتاریاں کی گئیں دلچسپ بات یہ ہے شاہ محمود اوراسد عمربھی کارکنان کے ساتھ موجود تھے لیکن پولیس نے ان کوکچھ نہ کہاان کے ساتھ کھڑے کارکنان کوپولیس گھسیٹے ہوئے گاڑیوں میں ڈالتی رہی ۔

موضوعات:شاہ محمود قریشی