لاہور(مانیٹرنگ ڈیسک) پاکستان تحریک انصاف کے دھرنے کوناکام کےلئے تمام مسلم لیگی رہنماﺅں نے سردھڑکی بازی لگارکھی ہے کہ کسی نہ کسی طرح ریحام خان کوآمادہ کرکے عمران خان کی نجی زندگی کے حوالے سے کچھ نہ کچھ بلوایاجاسکے اورعمران خان کی کردارکشی کی جاسکے ۔ایک نجی ٹی وی کے پروگرام میں سینئرصحافی صابرشاکرگفتگوکرتے ہوئے کہاہے کہ ن لیگی لابی نے تحریک انصاف کے رہنماﺅں کے ان رہنماﺅں سے رابطہ کرکے انہیں آمادہ کیاہے کہ 2نومبرسے پہلے عمران خان کے خلاف اپنی مرضی کامواد اگلوائے اوراس کے علاوہ انہوں نے لندن یابرطانیہ میں مقیم ایک خاتون جوکہ عمران خان کی سابق بیوی ہیں ان سے رابطہ کیاہے ۔ن لیگیوں کی کوشش ہے کہ کسی نہ کسی ملکی یاغیرملکی خبررساں ادارے کوریحام خان سے انٹرویودلواکرعمران خان کی کردارکشی کروائی جائے اورانکی ذاتی زندگی کے متعلق مواد کواپنی مرضی کے مطابق اگلوایاجائے ۔صابرشاکرکاکہناتھاکہ 2نومبرسے پہلے ن لیگی ہرقسم کی کوشش کرکے میڈیاٹرائل کرنے کی کوشش کریں گے تاکہ پی ٹی آئی اورعمران خان کوبدنام کیاجاسکے اس معاملے میں جواب دیتے ہوئے سینئرصحافی سمیع ابراہیم نے کہاکہ آئندہ دوسے تین دن ملکی تاریخ کےلئے نہایت اہم ہیں کیونکہ ہوسکتاہے کہ پاکستان کی فوج پربھی کیچڑاچھالاجائے ۔ملکی ایجنسیوں کے خلاف بھی پراپیگنڈاکیاجاسکے ۔تاکہ پانامالیکس سے توجہ ہٹائی جاسکے ۔