اسلام آباد(مانیٹرنگ ڈیسک)مسلم لیگ (ن) کے رہنما و ممبر قومی اسمبلی حمزہ شہباز شریف نے کہا ہے کہ عمران خان کو اگر وزیر اعظم بننے کا اتنا شوق ہے تو میں ان کو اپنے پیسوں سے شیروانی سلوا دیتا ہوں،عمران خان جہاں سے گزریں گے وہاں وزیر اعظم کے نعرے لگوا دوں گا۔ میڈیا سے گفتگو کرتے ہوئے حمزہ شہباز کا کہنا تھا کہ 2 نومبر کو کچھ نہیں ہوگا ، ہم پہلے بھی سرخرو ہوئے تھے انشا اللہ اب بھی کامیاب ہوں گے ،پی ٹی آئی کو دھرنو ں او راحتجاج کے سوا کچھ نہیں آتا ، عمران خان نے پہلے بھی قوم کے 126 دن ضائع کئے اور اب دوبارہ چینی سرمایہ کاری کے ذریعے بننے والے سی پیک منصوبے کے خلاف سازش کی جارہی ہے۔ا نہوں نے کہا عوام باشعورہیں وہ عمران خان کے ساتھ کھڑے قرضہ معاف کروانے والے جہانگیر ترین ، قبضہ گروپ علیم خان کو خوب پہنچاتے ہیں ، عوام احتساب ضرور کریں گے لیکن یہ احتساب 2018 کے عام انتخاب میں ہوگا او رانشا اللہ دوبارہ مسلم لیگ (ن) کو بھاری مینڈیٹ ملے گا