اسلام آباد(مانیٹرنگ ڈیسک) نجی ٹی وی رپورٹ میں سینئر اینکر پرسن نے وزیر اعظم نواز شریف کے لندن میں آپریشن پر بڑے سوالات اٹھا دیئے، سینئر اینکر پرسن کے مطابق نواز شریف کے لندن میں آپریشن کے بارے میں بی بی سی کی رپورٹ نے پاکستانیوں کے سر شرم سے جھکا دیئے ہیں۔ کامران شاہد نے کہا کہ ہارلے سٹریٹ کلینک میں وزیر اعظم نواز شریف زیر علاج جہاں نہ کوئی سرکاری پروٹوکول ہے اور نہ کوئی سیکورٹی ، ہارلے سٹریٹ کلینک بی بی سی کے ہیڈ کوارٹر سے 5 منٹ کی دوری پر واقع ہے، بی بی سی کے مطابق نواز شریف کا بغیر کسی سیکورٹی کی لندن آنا اور اپنا علاج کروانا یہاں کے نظام پر ان کا اعتماد ہے ‘ برطانوی نشریاتی ادارے کے نمائندے نے اپنی رپورٹ میں کہا کہ میرے ذہن میں یہ سوال پیدا ہوتا ہے کہ ’’کیا شریف خاندان کا پاکستان پر اعتماد نہیں‘‘۔