کراچی (مانیٹرنگ ڈیسک) کراچی آپریشن کے اثرات آنا شروع ہوگئے دہشت گرد کار میں اسلحہ چھوڑ کر فرار ، پولیس نے قبضے میں لے لیا ، نجی ٹی وی کے مطابق پولیس نے ناظم آباد 1نمبر گلی میں کھڑی مشتبہ گاڑی سے 10ہزار سے زائد گولیاں برآمد کی ہیں ، ایس پی اصغر عثمان کے مطابق اطلاع ملنے پر اس گاڑی کو چیک کیا گیا تو اس میں  24ڈبوں میں بھاری مقدار میں کلاشنکوف کی گولیاں موجود تھی ،تفتیش کے بعد پتا چلا کہ گاڑی گلی میں 15روز سے کھڑی ہے جس کا نمبر بھی جعلی لگایا گیا ہے ، ان کا کہنا ہے کہ دہشت گرد سخت سیکیورٹی اور منظم کاروائیوں کی وجہ سے پسپا ہورہے ہیں ، گاڑی میں کسی قسم کا بارود یا کوئی اور اسلحہ برآمد نہیں ہوا ، پولیس مزید تحقیقات کررہی ہے ، دوسری طرف رینجرز نے گاڑی کو اپنی تحویل میں لے کر کاروائی شروع کردی ہے ، علاقے میں اس حوالے مقامی افراد سے پوچھ گوچھ بھی کی جارہی ہے ، خیال رہے کہ رشید گوڈیل پر حملے کے بعد سیکیورٹی اداروں نے اپنی کاروائیاں مزید تیز کردی ہیں ، گزشتہ روز وزیر اعظم نواز شریف کے کراچی دورہ کے بعد رینجرز اور پولیس نے مجرموں کے خلاف گھیرا مزید تنگ کرنا شروع کردیا ہے