اسلام آباد (نیوز ڈیسک)پاکستان انٹرنیشنل ایئرلائن (پی آئی اے) کے ایک پائلٹ نے دوران پرواز ایران کی جانب سے اسرائیل کی طرف داغے گئے میزائلوں کی ویڈیو ریکارڈ کر لی۔ائیرلائن ذرائع کے مطابق یہ واقعہ اُس وقت پیش آیا جب پی آئی اے کی ایک پرواز جدہ سے پاکستان کی جانب روانہ تھی۔
جیسے ہی طیارہ سعودی عرب کے شہر دمام کی فضائی حدود میں داخل ہوا، اسی دوران ایران سے بیلسٹک میزائل اسرائیل کی جانب روانہ کیے جا رہے تھے اور وہ سعودی فضائی حدود سے گزر رہے تھے۔پائلٹ نے کاک پٹ سے ان میزائلوں کی پرواز کا منظر فلم بند کر لیا۔ ذرائع کا کہنا ہے کہ اس علاقے میں ایرانی سرحد قریب واقع ہے، جس کے باعث اس طرح کے مناظر فضا سے دیکھے جا سکتے ہیں۔ائیرلائن حکام کے مطابق ان میزائلوں سے کمرشل پروازوں کو براہ راست کوئی خطرہ لاحق نہیں ہوتا کیونکہ یہ میزائل انتہائی بلندی پر سفر کرتے ہیں اور ان کی پرواز کا راستہ تجارتی طیاروں کی بلندی سے کہیں اوپر ہوتا ہے۔
