اسلام آباد( آن لائن ) وزیر خارجہ شاہ محمود قریشی نے کہا ہے کہ پاکستان اور ایران کے تعلقات نے نیا رخ اختیار کر لیا ہے۔مغرب میں اسلاموفوبیا کے خلاف ایرانی پارلیمان کو بھی کردار ادا کرنا چاہیے ۔ اپنے ایک بیان میں دورہ ایران سے متعلق وزیر خارجہ نے کہا کہ کہ ایرانی صدر

کے مطابق پاکستان اور ایران کے تعلقات میں بہتری آئی ہے، میری ایران کی پارلیمان کے اسپیکر سے بھی ملاقات ہوئی۔ عوامی روابط بڑھانے میں پارلیمان کا کردار انتہائی اہمیت کا حامل ہے۔شاہ محمود قریشی نے کہا کہ مغرب میں اسلاموفوبیا کے خلاف ایرانی پارلیمان کو بھی کردار ادا کرنا چاہیے۔انہوں نے بتایا کہ ایرانی وزیر خارجہ جواد ظریف سے ملاقات میں دو طرفہ تعلقات زیر بحث آئے اور ملاقات میں ہم نے افغانستان کی صورتحال پر تبادلہ خیال کیا۔ پاکستان اور ایران کے تعلقات نے نیا رخ اختیار کر لیا ہے۔ وزیر خارجہ نے کہا کہ ہم نے مند اور پشین میں ایک نئے کراسنگ پوائنٹ کا بھی آغاز کیا ہے اور اس کراسنگ پوائنٹ سے شہریوں کو فائدہ ہو گا جبکہ دو طرفہ تجارت بھی مستحکم ہو گی۔انہوں نے کہا کہ تہران سے مطمئن لوٹ رہا ہوں اور ایک نئے باب کا اضافہ دکھائی دے رہا ہے۔

موضوعات:شاہ محمود قریشی