راولپنڈی (آئی این پی ) بھارتی فوج نے ایل او سی پر سیز فائر کی خلاف ورزی کرتے ہوئے نکیال سیکٹر میں تھروٹی گاؤں میں آبادی کو نشانہ بنایا جس سے 4 شہری زخمی ہوگئے ، پاک فوج نے بھرپور جوابی کاروائی کرتے ہوئے دشمن کی توپوں کو خاموش کرادیا۔ہفتہ کو پاک فوج کے شعبہ تعلقات عامہ کے مطابق بھارتی فوج
نے نکیال سیکٹر میں تھروٹی گاؤں پرمارٹر گولے داغے جس سے2خواتین اور2مرد زخمی ہوئے ۔ پاکستانی فوج نے بھارتی فائرنگ کا موثر طور پر جواب دیا اور دشمن کی توپوں کو خاموش کرادیا۔ آئی ایس پی آر کے مطابق زخمی ہونے والوں میں 65سالہ برکت بیگم ، 12سالہ احسان نصیر، 42سالہ نصیر احمد اور 35سالہ فرزانہ کوثر شامل ہیں ۔
