کابل(این این آئی) ایرانی فورسز کی فائرنگ سے مبینہ طور پر 260 سے زائد افغان تارکین وطن ہلاک ہوگئے۔افغان نشریاتی ادارے کے مطابق تقریبا 300 تارکین وطن کا ایک گروپ کالگان سروان بارڈر کو عبور کرنے کی کوشش کر رہا تھا جنہیں ایرانی فورسز نے مبینہ طور پر فائرنگ کا نشانہ بنایا۔

ایران سے تعلق رکھنے والی انسانی حقوق کی تنظم ہالوش کا کہناتھا کہ فائرنگ میں 260 افغان شہری مارے گئے اور درجنوں زخمی ہوئے ہیں۔ ایرانی حکام نے ابھی تک ان دعوں پر کوئی ردعمل ظاہر نہیں کیا۔دوسری جانب افغان حکومت کے ترجمان ذبیح اللہ مجاہد کا کہناتھاکہ افغان حکومت واقعے کی تحقیقات کر رہی ہے۔