ریاض(این این آئی)سعودی عرب کے فضائی دفاعی نظام نے یمن سے حوثی باغیوں کیدارالحکومت الریاض پر داغے گئے بیلسٹک میزائل کو فضا ہی میں تباہ کردیا ۔ سعودی فورسز نے سرحدی شہر جازان کی جانب آنے والے ایک ڈرون کو بھی مار گرایا ۔میڈیارپورٹس کے مطابق عرب اتحادی فورسز کے ترجمان کرنل ترکی المالکی نے ایک بیان میں بتایا کہ صبح مقامی وقت کے مطابق سات بج کر چالیس منٹ پر
سعودی فورسز نے ابھا کے بین الاقوامی ہوائی اڈے کی جانب آنے والی ایک غیر شناختہ چیز کا سراغ لگایا تھا اور پھر اس کو مار گرایا ۔کرنل ترکی المالکی کے بہ قول اتحادی فورسز کے ماہرین نے اس کے ملبے کے تجزیے کے بعد بتایا کہ یہ ایرانی ساختہ خصوصیات کا حامل حوثیوں کا طیارہ تھا اور یہ ابھا کے ہوائی اڈے کو نشانہ بنانے کی کوشش کررہا تھا حالانکہ اس کو بین الاقوامی قانون کے تحت تحفظ حاصل ہے۔
