آستانہ (آئی این پی) مودی کی پاکستان دشمنی ایک بار پھر کھل کر سامنے آ گئی ،پاکستانی صحافیوں کے سوالوں کے جواب دیے نہ ہی پاکستان کو شنگھائی تعاون تنظیم کا مستقل ممبر بننے پر مبارکباد دی ۔ تفصیلات کے مطابق پاکستان اور بھارت شنگھائی تعاون تنظیم کے مستقل رکن بن گے ہیں جس پر وزیر اعظم نواز شریف نے اپنے خطاب میں بھارتی وزیر اعظم نریندر مودی کو مبارکباد دی لیکن اس موقع پر بھی مودی نے پاکستان دشمنی کا کھل کر اظہار کیا ۔

مودی سرکار نے مبارک تو دور کی بات اپنے خطاب میں پاکستان کا نام تک نہیں لیا ۔ پاکستانی صحافیوں نے مودی سے سوال پوچھے کہ پاک بھارت مسئلے کا حل کیا ہے اور دوسرا سوال کیا کہ مقبوضہ کشمیر میں انسانی حقوق کی خلاف ورزیاں ہو رہی ہیں لیکن مودی سرکار خاموش رہے پھر سوال کیا کہ وزیر اعظم 8 نواز شریف سے ملاقات کیسی رہی اس پر وہ مسکرائے اور چلے گئے ۔مودی کے محافظوں نے پاکستانی صحافیوں کو دھکے بھی دیے ۔