بیجنگ (آئی این پی )چین میں 19ہزار پاکستانی طالب علم چینی یونیورسٹیز میں زیور تعلیم سے آراستہ ہو رہے ہیں ۔ چین کی وزارت تعلیم کے اعداد وشمار کے مطابق گزشتہ برس ون بیلٹ اینڈ ون روڈ منصوبے کی پیش قدمی کے بعد 64 ممالک کے تقریباً دو لاکھ سے زائد طالب علم چینی درسگاہوں میں تعلیم حاصل کرنے کیلئے آئے ۔ یہ تعداد2015سے 13.6فیصد زیادہ ہے ۔ طالب علموں کی زیادہ تعداد ان ممالک سے تعلق رکھتی ہے جو اکنامک ون بیلٹ ون روڈ سے جڑے ہیں ۔ ساحلی سلک روڈ میں اس تعداد کو تیزی سے بڑھانے میں اہم کردار ادا کیا ۔ چینی وزارت تعلیم کے ڈائریکٹر شوتاؤنے

بتایا کہ بین الاقوامی طالب علموں کی شرح نمو میں اضافہ ہو رہا ہے ۔ 2016میں دنیا کے 205ممالک سے 4لاکھ40ہزار سے زائد طالب علم چین میں تعلیم کے زیور سے آراستہ ہونے کیلئے آئے جو کہ 2015سے 11.4فیصد زیادہ ہے ۔چین کے سکالر شپ کونسل کے جنرل سیکرٹری لیو جینگ ہوئی نے کہا کہ پچھلے سال 183ممالک کے 4ہزار900طالب علموں کو سکالر شپدیا گیا۔سکالر شپ پانے والے طالب علموں میں سے 61فیصد کا تعلق ان ممالک سے ہے جو ون بیلٹ ون روڈ منصوبہ سے منسلک ہیں ۔ 2018 میں اس تعداد میں اضافے کا امکان ہے ۔ چین اوورسیز تعلیم کا ایشیا میں سب سے بڑا ملک ابھر کر سامنے آیا ہے ۔

موضوعات:پاکستانی طالب علم چینی وزارت تعلیم