بدھ‬‮ ، 14 مئی‬‮‬‮ 2025 

گیڈربھبکیوں کے بعد بھارت کی نئی چال ،اہم پیشکش کرکے پاکستان کوحیران کردیا

datetime 9  فروری‬‮  2017
ہمارا واٹس ایپ چینل جوائن کریں

نئی دہلی ( آئی این پی) بھارت نے کہا ہے کہ پاکستان کے ساتھ اچھے ہمسایوں کی طرح تعلقات چاہتے ہیں، دسمبر 2015 میں خارجہ سیکرٹری سطح کے مذاکرات کی منسوخی کے بعد بھی دوطرفہ سفارتی چینلز کے ذریعے پاکستان کے ساتھ رابطے میں ہیں، ہماری حکومت نے سفارتی کوششوں کے ذریعے بین الاقومی سطح پرباور کرایا ہے کہ پاکستا ن کی پڑسیوں کے خلاف دہشتگردی کی حمایت اور سپانسر کرنے کی پالیسی خطے کے امن واستحکام کیلئے درپیش سب سے بڑا چیلنج ہے،

بھارت نے کہا  کہ ہم نے مسئلہ کشمیر کو بین الاقومی بنانے کی پاکستانی کوششوں کو موثر طریقے سے ناکام بنا دیا۔ یہ دعویٰ بھارتی وزیر خارجہ سشما سوراج نے لوک سبھا میں تحریری جواب میں کیا۔ انہوں نے کہا کہ 2015 میں خارجہ سیکرٹری سطح کے مذاکرات کی منسوخی پر اتفاق کے بعد بھی دوطرفہ سفارتی چینلز کے ذریعے پاکستان کے ساتھ رابطے میں ہیں جس میں تمام فوری انسانی ہمدردی کے حل طلب مسائل بھی شامل ہیں۔ بھارتی وزیر خارجہ نے کہاکہ دسمبر 2015کے انکے دورہ اسلام آباد میں دوطرفہ جامع مذاکرات کے طریقہ کار کا فیصلہ کرنے کیلئے پاک بھارت خارجہ سیکرٹریوں کے درمیان مذاکرت پر اتفاق ہوا تھا تاہم جنوری 2016میں پٹھانکوٹ ایئربیس پر دہشتگردوں کے حملے کی وجہ سے یہ مذاکرات نہیں ہو سکے تھے۔ انہوں نے کہاکہ ہم نے باور کرایا کہ پاکستا ن کی پڑوسیوں کے خلاف دہشتگردی کی حمایت اور سپانسر کرنے کی پالیسی خطے کے امن و استحکام کیلئے درپیش سب سے بڑا چیلنج ہے۔ بھارتی وزیر خارجہ نے کہاکہ حکومت نے مسئلہ کشمیر کو بین الاقومی بنانے کی پاکستانی کوششوں کو موثر طریقے سے بے اثر بنایا اور یہ باور کرایاکہ بھارت اور پاکستان کے درمیان تعلقات کو معمول پر لانے کیلئے پرامن دوطرفہ مذاکرات صرف دہشتگردی اور تشدد سے پاک سازگار ماحول میں ہی منعقد ہو سکتے ہیں۔

دریں اثناء بھارتی سیکرٹری خارجہ ایس جے شنکر نے کہا ہے کہ ایٹمی طاقت کے منفی نتائج کو نظرانداز نہیں کیا جا سکتا اور ایٹمی دہشت گردی ایک بین الاقوامی خطرہ ہے۔ وہ جوہری دہشت گردی کے مقابلے کے لیے گلوبل انی شیٹیو کے نفاذ اور جائزہ گروپ کے اجلاس میں افتتاحی تقریر کر رہے تھے۔ انہوں نے کہا کہ دنیا جوہری طاقت سے ہونے والی تباہی کی گواہ ہے اور ہمیں امید کرنی چاہیے کہ ایسے واقعات دوبارہ کبھی نہ ہوں۔ سیکرٹری خارجہ نے کہا کہ ایٹمی دہشت گردی دنیا کی سلامتی کے لیے ایک سنگین خطرہ ہے۔ دہشت گردی سے نمٹنے کے لیے عالمی برادری کو ایک جامع پالیسی وضع کر کے اسے اعلی ترین ترجیح دینی چاہئے۔

موضوعات:

آج کی سب سے زیادہ پڑھی جانے والی خبریں


کالم



7مئی 2025ء


پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…