بیجنگ (مانیٹرنگ ڈ یسک)بھارتی وزیراعظم نریندرمودی نے فوجی شکست کے بعد پاکستان کے خلاف آبی جارحیت کااعلان کیاکربیٹھے کہ ان کومعلوم نہیں تھاکہ یہ معاملہ بھی ان کے گلے پڑجائے گا۔مودی کوکیامعلوم تھاکہ وہ ایک دھمکی تودے رہے ہیں لیکن پاکستان کی پشت پراس کاایک عظیم دوست چین بھی کھڑاہے اورپھرایساہی ہوگیاکہ چین نے بھارت کی نام نہادطاقت کے غبارے سے ہواہی نکال دی ۔
ایک انگریزی اخبارکی رپورٹ کے مطابق بھارت کی اس دھمکی کے بعد پاکستان اورچین نے فیصلہ کیاہے کہ واٹرسکیورٹی کوبھی پاک چین اقتصادی رہداری کاحصہ بنادیاجائے ۔دونوں دوستوں کے اس فیصلے سے چین اب ایسے تمام اقدامات اٹھاسکے گا جس سے پاکستان کوپانی کے حوالے سے مکمل تحفظ حاصل ہوجائے گا۔
پاکستان کی آبی صلاحیتوں کو مکمل طور پر بروئے کارلانے کے لئے یہ اہم ترین فیصلہ سی پیک کی جوائنٹ کوآپریشن کمیٹی کی چھٹی میٹنگ میں کیا گیا جس کا انعقاد چینی دارالحکومت میں ہوا۔ یہ کمیٹی سی پیک پراجیکٹ سے متعلق فیصلہ سازی کے لئے اعلیٰ ترین فورم ہے ۔اس اجلاس میں فیصلہ کیاگیاکہ دریائے سندھ پرپانی کے ذخیرے کےلئے دیامربھاشاڈیم کی تعمیرکے حوالے سے ایک خصوصی گروپ کاقیام عمل میں لایاجائے گا۔جوبھارت کی آبی دہشتگردی کامنہ توڑجواب دیگا۔
