واشنگٹن (نیوزڈیسک) امریکہ میں رہنے والے ہر دس میں سے ایک شہری کا تعلق دیگر ممالک سے ہے۔ امریکی نشریاتی ادارے کے مطابق ملک میں آباد لوگوں میں ایک بڑی تعداد ایسے افراد کی ہے جو اس ملک میں پیدا نہیں ہوئے اور کہیں اور سے آکر اس ملک کو اپنا مسکن بنایا۔ امریکی ہوم لینڈ سیکورٹی کے2012ء کے اعداد و شمار کو لے کر مرتب کی گئی ایک رپورٹ کے مطابق امریکہ میں بسنے والے ہر دس میں سے ایک سے زائد افراد کسی دوسرے ملک میں پیدا ہوئے۔ امریکہ میں آباد4کروڑ10لاکھ تارکین وطن میں سے اکثریت کا تعلق پڑوسی ملک میکسیکو سے ہے۔ 2012ء تک دس لاکھ31ہزار631افراد جنہیں امریکہ میں قانونی طور پر مستقل رہائشی کا درجہ حاصل ہوا ان میں ایک لاکھ 46ہزار406کا تعلق بھی میکسیکو سے تھا۔ اسی طرح دیگر کئی ملکوں سے آکر یہاں بسنے والوں کی تعداد بھی اچھی خاصی ہے۔ بھارت میں پیدا ہونے والے افراد امریکہ کی19 ریاستوں میں آباد ہیں۔ 5ریاستوں میں فلپائن سے تعلق رکھنے والوں کی تعدد کہیں زیادہ ہے جبکہ دیگر5میانمار کے باشندے بڑی تعداد میں زیام پذیر ہیں۔