لندن(نیوزڈیسک) ابھی لوگوں نے سردی کے لئے اپنی ہیٹنگ آن کی تھی اور ونٹر کوٹ سے گرد جھاڑی تھی کے گرمی پھر عود کر آئی، برطانیہ کے بعض حصوں میں آج درجہ حرارت 24 سینٹی گریڈ (75F) )ہوجائے گا یہ صورتحال گذشتہ روز کے بالکل برعکس ہے جب منجمد کرنے دینے والی آرکٹک ہوائوں سے برطانیہ میں سردی آئی تھی، آکسفورڈ شائر میں درجہ حرارت 2 سینٹی گریڈ ہوگیا تھا۔ میٹیو گروپ کی پیش گوئی کے مطابق سائوتھ میں درجہ حرارت زیادہ سے زیادہ 24سینٹی گریڈ ہوگا۔ ستمبر کا اوسط بلند درجہ حرارت 18 سینٹی گریڈ ہے۔ میٹ آفس کے مطابق صاف آسمانوںکے ساتھ درجہ حرارت 19سینٹی گریڈ ہوگا اور بدھ سے ویک اینڈ تک 20سے کم درجہ حرارت ہوا۔ میٹیو گروپ کے لئے فورکاسٹر گیماپلمب نے کہا کہ سورج کی آب و تاب سے چمک میں موسم گرم رہے گا۔ جمعرات اور جمعہ کو درجہ حرارت 23اور 24سینٹی گریڈ رہنے کا امکان ہے جو اوسط سے زیادہ ہے، سکاٹ لینڈ کے نارتھ ویسٹ میں درجہ حرارت 20-21سینٹی گریڈ جبکہ باقی سکاٹ لینڈ میں ممکنہ طور پر 20سینٹی گریڈ رہے گا اس موسم گرما میں انگلینڈ میں چارانتہائی گرم دن تھے۔ میٹ آفس ڈیٹا کے مطابق سیزن برطانیہ کا چار برس میں سرد ترین اور27برس میں چوتھا سرد ترین سیزن تھا۔ میٹ آفس نے پیش گوئی کی ہے کہ ماہ رواں کے آخر میں درجہ حرارت 29 سینٹی گریڈ تک بلند ہوسکتا ہے اور نومبر تک درجہ حرارت معمول سے زیادہ ہوگا جس کا سبب النینو کلائمنٹ چینج ہے جس سے سمندر کا پانی گرم ہورہا ہے۔