سرینگر (نیوزڈیسک)مقبوضہ کشمیر میں مفتی محمد سعید کی کٹھ پتلی انتظامیہ نے بھارتی حکومت سے سالانہ امرناتھ یاترا کےلئے مقبوضہ علاقے میں بھارتی فوجی کی سینٹرل ریزرو پولیس فورس کی80اضافی کمپنیوں کی تعیناتی کی درخواست کی ہے ۔ سرینگر سے شائع ہونےوالے اخبارکی رپورٹ کے مطابق کٹھ پتلی انتظامیہ نے بھارتی حکومت سے مقبوضہ علاقے میں پہلے سے موجود فوجیوں کے علاوہ سی آر پی ایف کی تقریباً80اضافی کمپنیوں کی تعیناتی کیلئے کہاہے ۔ذرائع نے کہا کہ بھارتی وزارت داخلہ نے سی آر پی ایف اہلکاروں کی اضافی کمپنیاں مقبوضہ علاقے بھجوانے کی انتظامیہ کی درخواست منظور کر لی ہے ۔ انہوںنے کہاکہ سی آر پی ایف کی اضافی کمپنیاںیاترا سے دو ہفتے قبل 15جون سے مقبوضہ علاقے پہنچاشروع ہوجائیں گی ۔تقریبادو ماہ تک جاری رہنے والی یاترا دو جولائی کو شروع ہو گی ۔