نئی دہلی (نیوزڈیسک)بھارتی کانگریس کے نائب صدر راہول گاندھی نے مودی حکومت پرشدید تنقید کرتے ہوئے کہا ہے کہ ملک آر ایس ایس چلارہی ہے، بی جے پی میں اندرونی طور پر کوئی بھی جمہوریت نہیں ہے۔جمعرات کو بھارتی میڈیا کے مطابق دہلی میں کنونشن سے خطاب کرتے ہوئے راہول گاندھی کا کہنا تھا راشٹریہ سیوک سنگ کے دفترمیں کسی کو بھی بولنے کی ہمت نہیں۔ تمام کارکن لائن میں کھڑے رہتے ہیں۔ راہول نے کہاکہ آرایس ایس رہنما سے پوچھو تو کہے گا کہ ملک اس طرح چلنا چاہئے اور یہ ہوناچاہئے۔ جس سے ثابت ہوتھا ہے کہ بھارت کو آرایس ایس چلارہی ہے اور کئی برسوں تک ملک میں تبدیلی نہیں آئے گی۔ کانگریس کے نائب صدر کا کہنا تھا بی جے پی میں اندرونی طور پر کوئی بھی جمہوریت نہیں ہے۔