اتوار‬‮ ، 25 مئی‬‮‬‮ 2025 

جوہری ہتھیاروں کی کلین چٹ دینے پر امریکا کا شکریہ اداکرتے ہیں،اسرائیل

datetime 25  مئی‬‮  2015
Israel's Prime Minister Benjamin Netanyahu (R) sits next to German Chancellor Angela Merkel as he speaks during their joint news conference in Jerusalem February 25, 2014. Germany views Iran as a potential threat not just to Israel, but also to European countries, Merkel said on Tuesday at a joint news conference with Netanyahu. REUTERS/Ammar Awad (JERUSALEM - Tags: POLITICS)
ہمارا واٹس ایپ چینل جوائن کریں

اسلام آباد(نیوز ڈیسک)اسرائیل نے امریکا، برطانیہ اورکینیڈا کی جانب سے مشرق وسطیٰ کو جوہری اسلحہ سے پاک خطہ قرار دینے کی مصر اور دوسرے عرب ممالک کی مساعی ناکام بنانے پر ان کا خصوصی شکریہ ادا کرتے ہوئے کہا ہے کہ نیویارک میں اقوام متحدہ کے دفتر میں مشرق وسطیٰ کو جوہری اسلحہ سے پاک کرنے کے بارے میں ہونے والے اجلاس کو ناکام بنانے میں واشنگٹن نے اہم کردار ادا کیا۔ اسرائیلی ریڈیو”وائس آف اسرائیل” نے اپنی رپورٹ میں ذرائع کے حوالے سے بتایا ہے کہ وزیراعظم بنجمن نیتن یاھو نے امریکی وزیر خارجہ جان کیری کو ٹیلیفون کر کے ان کا خصوصی شکریہ ادا کیا ہے اور کہا ہے کہ نیویارک میں اقوام متحدہ کے دفتر میں مشرق وسطیٰ کو جوہری اسلحہ سے پاک کرنے کے بارے میں ہونے والے اجلاس کو ناکام بنانے میں واشنگٹن نے اہم کردار ادا کیا۔ انہوں نے توقع ظاہر کی کہ امریکا اسرائیل کی سلامتی کے لیے اپنے وعدے پورے کرے گا۔خیال رہے کہ حال ہی میں اقوام متحدہ کے فورم پر مشرق وسطیٰ کو ایٹمی ہتھیاروں سےپاک کرنے کے لیے ایک اجلاس منعقد کیا گیا تھا تاہم امریکا ، برطانیہ اور کینڈا نے بعض شرائط کے تحت مشرق وسطیٰ کو ایٹمی ہتھیاروں کی دوڑ سے دور رکھنے کی تجویز سے اتفاق کیا مگر اسرائیل کے معاملے میں امریکا اور دوسرے ملک مروجہ دوہرے معیار کا شکاردکھائی دیے۔ چنانچہ اسرائیل کے متنازعہ جوہری ہتھیاروں کے معاملے پرامریکی موقف کے بعد اجلاس ناکام ہوگیا تھا۔اسرائیلی ریڈیو کی رپورٹ کے مطابق وزیراعظم ہاﺅس سے جاری ایک بیان میں کہا گیا ہے کہ مشرق وسطیٰ کو جوہری ہتھیاروں سے پاک کرنے سے متعلق نیویارک میں منعقدہ اجلاس میں امریکا نے اسرائیل کی سلامتی کے اپنے عہد کو وفائ کیا ہے۔ امریکا نے اس موقع پرایسا موقف اختیار کیا جس میں اسرائیل کی سلامتی کو درپیش خطرات کو سامنے رکھتے ہوئے تل ابیب کی دفاعی ضروریات کا دفاع کیا گیا۔امریکی وزارت خارجہ کی معاون برائے اسلحہ وعالمی سلامتی روز گوٹمیلر نے نیویارک میں ہونے والے اجلاس میں اپنے ملک کے موقف کا دفاع کرتے ہوئے کہا کہ “واشگنٹن نے مصر اور بعض دوسرے عرب ممالک کی طرف سے مشرق وسطیٰ کوغیر مشروط طورپرجوہری ہتھیاروں سے پاک خطہ بنانے کےلیے ایک نیا معاہدہ کرنے اور اس سلسلے میں اقوام متحدہ کے ذریعے مساعی شروع کرنے کی تجویز مسترد کرکے ایک صائب فیصلہ کیا۔ ۔ امریکا اس نوعیت کے کسی معاہدے کو اپنے اصولوں کے منافی سمجھتا ہے۔تاہم اجلاس میں اقوام متحدہ کے سیکرٹری جنرل بان کی مون نے مشرق وسطیٰ کو ہرقسم کے جوہری ہتھیاروں سے پاک خطہ بنانے کی مساعی سے اتفاق کیا اور اس ضمن میں پیش رفت میں ناکامی پر افسوس کا اظہارکرتے ہو ئے کہا کہ بعض ممالک خطے میں اپنا مخصوص نقطہ نظررکھتے ہیں۔ پورے خطے کووسیع پیمانے پر تباہی پھیلانے والے ہتھیاروں سے پاک کرنے کے مشن کو اسی صورت میں کامیاب بنایا جاسکتا ہے جب تمام اسٹیک ہولڈر اس پر متفق ہوں۔ مبصرین کے خیال میں امریکا اور اس کے اتحادی ممالک کی جانب سے مشرق وسطیٰ کو جوہری عدم پھیلاﺅ کا پابند بنانے میں رکاوٹ پیدا کر کے اسرائیل کو ہرقسم کے تباہ کن ہتھیار حاصل کرنے کی ‘کلین چٹ’ دی ہے۔

آج کی سب سے زیادہ پڑھی جانے والی خبریں


کالم



گوٹ مِلک


’’تم مزید چارسو روپے ڈال کر پوری بکری خرید سکتے…

نیوٹن

’’میں جاننا چاہتا تھا‘ میں اصل میں کون ہوں‘…

غزوہ ہند

بھارت نریندر مودی کے تکبر کی بہت سزا بھگت رہا…

10مئی2025ء

فرانس کا رافیل طیارہ ساڑھے چار جنریشن فائیٹر…

7مئی 2025ء

پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…