لندن (نیوز ڈیسک)امریکی صدر باراک اوباما کی دوسری یعنی کہ چھوٹی بیٹی 15 سالہ “ساشا” جس کی نصف عمر دنیا کے مشہور ترین ایوان صدارت میں گزری، اس نے گزشتہ ہفتے سے مچھلیوں اور دیگر سمندری خوراک کے ایک ریستورانNancy’s میں کام کرنا شروع کردیا ہے۔ یہ ریستوران جوزف مجبّر کی ملکیت ہے اور یہ خاندان ایک سے زیادہ عرب ممالک بالخصوص لبنان میں موجود ہے۔ امریکی اخبار “نیویارک ڈیلی نیوز” کی ویب سائٹ کے مطابق یہ ریستوران امریکی ریاست میساچوسٹس کے جزیرےMartha’s Vineyard میں امریکی صدر اور ان کے اہل خانہ کا مچھلی کا پسندیدہ ریستوران ہے۔ ساشا اپنے حقیقی نام (نتاشا) کے ساتھ روزانہ 4 گھنٹے اس ریستوران میں کام کرتی ہے۔ یہ ملازمت “موسم گرما کے کام” کے عنوان سے کی جارہی ہے جو عموما طلبہ اور دیگر لوگ تجربے کے حصول کے لیے کرتے ہیں۔