اسلام آباد (نیوز ڈیسک )امریکی ریاست جنوبی کیرولائنا کے چڑیا گھر میں چمپینزی نے شیر کے 3بچوں کو گود لے لیا ہے۔ چیمپینزی بچوں کو فیڈر سے دودھ بھی پلاتا ہے۔ جنوبی کیرولائنا کے چڑیا گھر میں ننھے شیر، چمپینزی سے بےحد مانوس ہیں۔ اسی لئے تو ان کا پورا دن کھیلتے کودتے گزر جاتا ہے۔ چمپینزی بھی ننھے شیروں کا خوب خیال رکھتا ہے، چمپینزی اپنے بچوں کی طرح ہی ان شیروں کے نخرے اٹھاتا ہے، بھوک لگے تو شیر کے بچوں کو فیڈر سے دودھ بھی پلاتا ہے۔ دن بھر کھیلتے کودتے ننھے شیروں اور چمپینزی کی یہ دوستی کب تک رہتی ہے یہ تو کوئی نہیں جانتا، لیکن اس دوستی کو ہمیشہ کے لیے کیمرے کی آنکھ میں محفوظ کرلیا گیا ہے۔