واشنگٹن(نیوزڈیسک) اگر آپ امریکا میں اپنی چھوٹی سی سلطنت قائم کرنا چاہتے ہیں تو اس کا شاندار موقع میسر ہے کیونکہ ریاست کیلیفورنیا میں ایک پورا تاریخی اور شاندار گاﺅں فروخت کے لئے پیش کردیا گیا ہے۔

یہ گاﺅں سان ڈیاگو شہر کے ہرے بھرے وسطی علاقے میں واقع ہے اور خوبصورت درختوں، پودوں اور دلکش مناظر کی وجہ سے خصوصی شہرت رکھتا ہے۔اسے کئی مشہور فلموں کی عکس بندی کے لئے بھی استعمال کیا جاچکا ہے۔ یہاں دو کمروں پر مشتمل ایک گھر، جنرل سٹور، سیلون اور ایک پرانی جیل بھی واقع ہے۔ اگر آپ اس شاندار گاﺅں کے مالک بننے میں دلچسپی رکھتے ہیں تو اسے خریدنے کے لئے آپ کے پاس محض چھ لاکھ برطانوی پاﺅنڈ (تقریباً 9 کروڑ پاکستانی روپے) ہونا ضروری ہیں۔