اسلام آباد (نیوزڈیسک ) پیرو میں گھڑ دوڑ کے دوران تماشائی کو ایڈونچر مہنگا پڑ گیا ، ریس کے آخری لمحات میں ٹریک پر چلنے والا شخص خوفناک حادثے میں جان سے ہاتھ دھو بیٹھا۔پیرو میں گھڑ دوڑ کے دوران ایک شخص ریس کے آخری لمحات میں فنیشنگ لائن کے قریب ٹریک پر چلنے لگا تاہم اس دوران اسے یہ خیال نہ رہا کہ تیز رفتار گھوڑا انتہائی قریب آچکا ہے ، لاپرواہی کے باعث تماشائی اور گھوڑے میں تصادم ہوا۔ تماشائی گھوڑے کے پیروں تلے روندا گیا اور زخموں کی تاب نہ لاتے ہوئے موقع پر ہی دم توڑ گیا۔ حادثے میں گھڑ سوار بھی زخمی ہوا تاہم اس کی حالت خطرے سے باہر بتائی جا رہی ہے۔