بیجنگ (نیوزڈیسک) بیجنگ میں جاری عالمی موبائل انٹرنیٹ عالمی کانفرنس میں ڈانس کرتے ہوئے خوبصورت جدید روبوٹ لوگوں کی توجہ کا مرکز بن گئے۔چینی دارالحکومت بیجنگ میں ہونیوالی کانفرنس تو موبائل اور انٹرنیٹ سے متعلق ہے لیکن یہاں ڈانس کرتے روبوٹس دنیا بھر سے آنیوالوں کی توجہ کا مرکز ہیں۔ ہر کوئی ڈانس کرتے خوبصورت اور جدید روبوٹس سے متاثر ہوئے بغیر نہیں رہتا۔ یہ جدید ربورٹس نہ صرف ڈانس کرتے ہیں، بلکہ آنےوالوں کو اپنی طرف متوجہ کرنے کےلئے فوٹو کھینچتے وقت خصوصی پوز بھی دیتے ہیں۔ حکام کے مطابق تین روزہ گلوبل موبائل انٹرنیٹ کانفرنس میں دنیا بھر کے 60ممالک سے 25ہزار سے زیادہ موبائل ایگزیکٹیوز، ڈویلپرز اور انویسٹرز شرکت کر رہے ہیں