چندی گڑھ (نیو ز ڈیسک) بھارتی ریاست ہریانہ میں انتخابات کے موقع پر ووٹ مانگنے کیلئے نکلے امیدواروں سے نوجوانوں نے ووٹ کے بدلے دلہن دلانے کی مانگ کی ہے۔ کنوارے نوجوانوں نے اپنا حتمی فیصلہ سنا دیا ہے کہ جو امیدوار ان کی شادی کرائے گا وہ اسی کو ووٹ دیں گے۔ کنوارے نوجوانوں نے جندکنوارہ یونین بھی قائم کر رکھی ہے۔ واضح رہے کہ ہریانہ میں خواتین کے مقابلے میں مردوں کی تعداد زیادہ ہے۔ جند کنوارہ یونین کے عہدیدار پردیپ سنگھ کے مطابق اس مطالبے کا سبب بہت سارے نوجوانوں کی شادیاں نہ ہونا ہے۔ میرج بیوروز شادی کرانے کیلئے بھاری رقم وصول کرتے ہیں جبکہ غریب نوجوانوں کے پاس اتنی رقم نہیں ہے –