اسلام آباد (این این آئی) امریکہ ایران جنگ کے باعث قطر سے ایل این جی سپلائی کی بندش کے باعث پاکستان کو ایل این جی کے کارگوز کی خریداری میں مشکلات سامنا ہے۔

تیسری بار بھی کوئی بولی نہ مل سکی۔نجی ٹی وی کے مطابق پاکستان ایل این جی لمیٹڈ کے ذرائع کے مطابق پاکستان نے ستمبر میں ایل این جی کی خریداری کیلئے تیسری مرتبہ ٹینڈر جاری کیا تھا۔ بولی 12سے 16ستمبر تک کارگو فراہمی کیلئے طلب کی گئی مگر 8ستمبر کی مقررہ تاریخ تک کسی بھی عالمی کمپنی نے پاکستان کو ایل این جی فراہم کرنے میں دلچسپی ظاہر نہیں کیا۔ اس سے پہلے مہنگی بولیاں آنے پر دو مرتبہ کارگو ٹینڈر منسوخ کئے جاچکے ہیں۔ پاکستان بجلی بنانے کیلئے ایل این جی کے سپاٹ کارگو خریدتا ہے۔

سپلائی بند ہونے سے ہی بجلی کی پیداوار میں قلت کا سامنا ہے اور ایل این جی سے چلنے والے چھ ہزار میگاواٹ کے بجلی گھر بند پڑے ہیں۔