اسلام آباد (نیوز ڈیسک) 100 روپے مالیت کے پرائز بانڈ کی سہ ماہی قرعہ اندازی مکمل ہونے کے بعد پہلے، دوسرے اور تیسرے انعام کے نتائج سامنے آگئے ہیں۔

قومی بچت مرکز ملتان میں منعقد ہونے والی اس قرعہ اندازی میں مختلف انعامات کے لیے کامیاب بانڈ نمبرز کا انتخاب کیا گیا۔ پہلے انعام کے تحت 7 لاکھ روپے جبکہ دوسرے انعام کے لیے تین فاتحین کو 2،2 لاکھ روپے دیے جائیں گے۔ تیسرے انعام کی رقم ایک ہزار روپے فی بانڈ مقرر ہے۔پہلا انعام کس نے جیتا؟قرعہ اندازی میں 732900 نمبر والا 100 روپے کا پرائز بانڈ پہلے انعام کا حقدار قرار پایا، جس کے مالک کو مقررہ شرائط پوری کرنے کے بعد 7 لاکھ روپے ملیں گے۔دوسرے انعام کے لیے تین بانڈ نمبرز کامیاب قرار دیے گئے۔ ان میں 252196، 427125 اور 875106 شامل ہیں۔ ہر کامیاب بانڈ ہولڈر کو 2 لاکھ روپے انعام دیا جائے گا۔تیسرے انعام کے فاتحینتیسرے انعام کے تحت بڑی تعداد میں بانڈ ہولڈرز کامیاب قرار پائیں گے۔

ان تمام نمبرز کی مکمل فہرست قومی بچت مرکز کی جانب سے جاری کیے جانے کے بعد دستیاب ہوگی۔ہر تین ماہ بعد قرعہ اندازی100 روپے کے پرائز بانڈ کی قرعہ اندازی تین ماہ کے وقفے سے منعقد کی جاتی ہے، جس میں بانڈ رکھنے والے افراد کو مختلف انعامات جیتنے کا موقع ملتا ہے، جبکہ بانڈ کی اصل مالیت بھی برقرار رہتی ہے۔واضح رہے کہ مئی 2026 میں ہونے والی گزشتہ قرعہ اندازی میں 847006 نمبر والے بانڈ نے پہلا انعام حاصل کیا تھا۔قرعہ اندازی کے نتائج جاری ہونے کے بعد بانڈ ہولڈرز اپنے نمبرز کا اعلان کردہ فہرست سے موازنہ کرکے انعام نکلنے کی صورت میں متعلقہ طریقہ کار کے مطابق رقم کلیم کرسکتے ہیں۔