اسلام آباد (نیوز ڈیسک) عالمی مارکیٹ میں کئی روز تک قیمتوں میں اضافے کے بعد خام تیل کے نرخوں میں کمی ریکارڈ کی گئی ہے۔

میڈیا رپورٹس کے مطابق برینٹ خام تیل کی قیمت میں 1.29 ڈالر فی بیرل کمی ہوئی، جس کے بعد اس کی قیمت 87.69 ڈالر فی بیرل ہوگئی۔اسی طرح امریکی خام تیل ویسٹ ٹیکساس انٹرمیڈیٹ (WTI) بھی 1.30 ڈالر سستا ہوکر 81.97 ڈالر فی بیرل کی سطح پر آگیا۔رپورٹس کے مطابق خام تیل کی قیمتوں میں کمی کی ایک بڑی وجہ 2026 کے دوران عالمی سطح پر تیل کی طلب میں اضافے کے اندازوں میں کمی کو قرار دیا جا رہا ہے۔

ماہرین کے مطابق ایران کے خلاف امریکا اور اسرائیل کی جنگ کے نتیجے میں پیدا ہونے والی رکاوٹوں نے عالمی معاشی سرگرمیوں اور تیل کی طلب کے امکانات کو متاثر کیا ہے۔دوسری جانب اوپیک نے اپنی ماہانہ آئل مارکیٹ رپورٹ میں 2026 کے لیے عالمی تیل کی طلب میں اضافے کی پیش گوئی مزید کم کردی ہے۔ رپورٹ کے مطابق اب عالمی طلب میں یومیہ 5 لاکھ 80 ہزار بیرل اضافے کا اندازہ لگایا گیا ہے۔