اسلام آباد(نوز ڈیسک) تفصیلات کے مطابق یومِ آزادی پاکستان کے موقع پر ملک بھر میں بینک، مالیاتی ادارے اور دیگر متعلقہ ادارے 14 اگست سے 16 اگست تک بند رہیں گے۔

اس حوالے سے اسٹیٹ بینک آف پاکستان کی جانب سے باقاعدہ سرکلر بھی جاری کردیا گیا ہے۔اعلامیے کے مطابق جمعہ 14 اگست کو یومِ آزادی کی سرکاری تعطیل ہوگی، جبکہ 15 اور 16 اگست کو ہفتہ وار تعطیلات کے باعث بینکنگ سرگرمیاں معطل رہیں گی۔ اس طرح بینکوں اور مالیاتی اداروں کو مسلسل تین روز کی چھٹی ہوگی۔اسٹیٹ بینک، اسٹاک ایکسچینج، کمرشل بینکس اور دیگر مالیاتی ادارے بھی تعطیلات کے دوران بند رہیں گے۔

تاہم شہریوں کی سہولت کے لیے بینکوں کی اے ٹی ایم سروسز اور آن لائن بینکنگ سہولیات معمول کے مطابق دستیاب رہیں گی، جس کے ذریعے صارفین ضروری مالی لین دین کرسکیں گے۔