اسلام آباد(نیوز ڈیسک) حج 2027 کی ادائیگی کے خواہشمند پاکستانی شہریوں کے لیے پاسپورٹ کی میعاد سے متعلق اہم شرط سامنے آگئی ہے۔
وزارتِ مذہبی امور کے مطابق حج درخواست جمع کرانے والے افراد کے پاس 16 نومبر 2027 تک کارآمد پاکستانی پاسپورٹ ہونا ضروری ہوگا۔ذرائع کے مطابق سرکاری اور نجی حج اسکیم کے تحت درخواستوں کی وصولی 17 اگست سے شروع کیے جانے کا امکان ہے۔ حکام نے شہریوں کو ہدایت کی ہے کہ درخواست جمع کرانے سے پہلے اپنے پاسپورٹ کی میعاد ضرور چیک کرلیں۔وزارتِ مذہبی امور کا کہنا ہے کہ جن افراد کے پاسپورٹ 16 نومبر 2027 سے پہلے ایکسپائر ہونے والے ہیں، وہ کسی تاخیر کے بغیر ان کی تجدید کرائیں تاکہ حج درخواست کے عمل میں مشکلات سے بچا جا سکے۔عازمین کو سہولت فراہم کرنے کے لیے وزارتِ مذہبی امور نے ملک کے اندر اور بیرونِ ملک پاسپورٹ دفاتر سے بھی رابطہ کیا ہے۔ وزارت کی درخواست پر متعلقہ دفاتر کو حج کے لیے درخواست دینے والے شہریوں کو پاسپورٹ کی تجدید کے معاملے میں ترجیحی سہولت فراہم کرنے کی ہدایت کی گئی ہے۔
حج درخواست گزاروں کے لیے اہم ہدایتحکام نے واضح کیا ہے کہ حج 2027 کی درخواست جمع کرانے سے قبل تمام امیدوار اپنے سفری دستاویزات مکمل اور مؤثر رکھیں۔ اگر کسی شہری کے پاسپورٹ کی میعاد مقررہ تاریخ سے پہلے ختم ہورہی ہے تو اسے بروقت تجدید کرانا ضروری ہوگا۔ذرائع کے مطابق پاسپورٹ کی مقررہ مدت تک تجدید نہ ہونے کی صورت میں حج درخواست جمع کرانے کے دوران مسائل پیدا ہوسکتے ہیں۔ اسی وجہ سے وزارتِ مذہبی امور نے شہریوں کو پیشگی اقدامات کرنے کا مشورہ دیا ہے۔وزارت کی جانب سے پاسپورٹ دفاتر کو بھی ہدایت کی گئی ہے کہ حج درخواست گزاروں کے معاملات میں ممکنہ حد تک فوری کارروائی کی جائے، تاکہ پاسپورٹ کی تجدید میں تاخیر کی وجہ سے کسی امیدوار کو حج درخواست جمع کرانے میں دشواری کا سامنا نہ کرنا پڑے۔
