اسلام آباد (نیوز ڈیسک): ملک بھر میں سونے کی قیمت میں معمولی کمی ریکارڈ کی گئی ہے، جس کے بعد مقامی مارکیٹ میں فی تولہ سونے کی نئی قیمت جاری کر دی گئی۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 500 روپے کی کمی ہوئی ہے، جس کے بعد ایک تولہ سونا 4 لاکھ 27 ہزار 936 روپے میں فروخت ہو رہا ہے۔ایسوسی ایشن کی جانب سے جاری کردہ اعداد و شمار کے مطابق 10 گرام سونے کی قیمت میں بھی 428 روپے کی کمی ریکارڈ کی گئی، جس کے بعد اس کی نئی قیمت 3 لاکھ 66 ہزار 886 روپے مقرر ہو گئی ہے۔

دوسری جانب عالمی مارکیٹ میں بھی سونے کی قیمت میں کمی کا رجحان دیکھا گیا۔ بین الاقوامی بازار میں سونے کی فی اونس قیمت 5 ڈالر کم ہو کر 4 ہزار 55 ڈالر پر آ گئی ہے۔

ماہرین کے مطابق عالمی منڈی میں قیمتوں میں اتار چڑھاؤ کے اثرات مقامی مارکیٹ پر بھی مرتب ہوتے ہیں، جس کے باعث پاکستان میں بھی سونے کے نرخوں میں روزانہ کی بنیاد پر تبدیلی دیکھی جا رہی ہے۔