اسلام آباد (نیوز ڈیسک) وفاقی حکومت نے عوام کو ریلیف دیتے ہوئے پیٹرولیم مصنوعات کی قیمتوں میں نمایاں کمی کا اعلان کر دیا ہے،
جس کا باضابطہ نوٹیفکیشن بھی جاری کر دیا گیا ہے۔جاری اعلامیے کے مطابق مٹی کے تیل کی قیمت میں 21 روپے 34 پیسے فی لیٹر کمی کی گئی ہے، جس کے بعد اس کی نئی قیمت 428 روپے 81 پیسے فی لیٹر مقرر کر دی گئی ہے۔اسی طرح وزیراعظم شہباز شریف کی منظوری کے بعد ڈیزل کی قیمت میں بھی 32 روپے 12 پیسے فی لیٹر کمی کی گئی ہے، جس کے بعد ڈیزل 353 روپے 43 پیسے فی لیٹر میں دستیاب ہوگا۔آئل اینڈ گیس ریگولیٹری اتھارٹی (اوگرا) کے مطابق نئی قیمتوں کا اطلاق فوری طور پر کر دیا گیا ہے۔ اس موقع پر وزیراعظم کا کہنا تھا کہ حکومت عالمی سطح پر تیل کی قیمتوں میں آنے والی کمی کا فائدہ براہِ راست عوام تک منتقل کرنے کے لیے اقدامات کر رہی ہے۔
انہوں نے حکام کو ہدایت دی کہ قیمتوں میں کمی کے اثرات جلد از جلد عوام تک پہنچانے کو یقینی بنایا جائے تاکہ عام آدمی کو حقیقی ریلیف مل سکے۔
