لاہور (این این آئی)وفاقی حکومت نے کفایت شعاری مہم کے تحت بجلی، ایندھن اور دیگر آپریشنل اخراجات کم کرنے کے لیے عملہ محدود کرنے سمیت اہم فیصلے کیے ہیں۔
اہم فیصلے جنگ کی صورتحال سے پیدا ہونے والے توانائی بحران اور تیل کی قیمتوں میں اضافے کی وجہ سے لیے گئے ہیں،سرکاری دفاتر اب صرف پیر سے جمعرات چار دن کھلے رہیں گے۔اِسی طرح جمعہ، ہفتہ اور اتوار کو تعطیل ہوگی، جبکہ بینکوں، ہسپتالوں، صنعت اور زراعت جیسے ضروری شعبوں پر یہ اطلاق نہیں ہوگا۔دوسری جانب ذرائع کا کہنا تھا کہ وفاقی حکومت کے فیصلے کے مطابق دفاتر میں ایک وقت میں صرف 50فیصد عملہ حاضر ہوگا،باقی 50فیصد ورک فرام ہوم کرے گا۔پہلا گروپ 50فیصد پہلے دو دن پیر اورمنگل دفتر آئے گا اور باقی دن گھر سے کام کرے گا، دوسرا گروپ اگلے دو دن بدھ اورجمعرات دفتر آئے گا اور باقی دن گھر سے کام کرے گا۔
ورک فرام ہوم ماڈل نافذ کرنے کی تیاری مکمل ہے، اہم وزارتوں اور محکموں میں نئے شیڈول کا اطلاق آج بدھ سے شروع ہو گا۔
