اسلام آباد(این این آئی)پاکستان میں خطے میں پیٹرولیم مصنوعات کی قیمتیں سب سے زیادہ ریکارڈ کی گئیں۔

ذرائع وزارت پیٹرولیم کے مطابق پاکستان میں پیٹرول کی قیمت 1.15ڈالر فی لیٹر کے برابر ہے، بھارت میں پیٹرول کی فی لیٹر قیمت 1.03ڈالرکے برابر ہے۔ذرائع وزارت پیٹرولیم نے بتایاکہ سری لنکا میں پیٹرول کی فی لیٹر قیمت 94سینٹ اور بنگلادیش میں پیٹرول کی فی لیٹر قیمت 95سینٹ ہے۔خیال رہے کہ گزشتہ دنوں حکومت نے مشرق وسطی میں کشیدگی کے باعث پیٹرولیم مصنوعات کی قیمتوں میں بڑا اضافہ کیا اور پیٹرول و ڈیزل کی فی لیٹر قیمت میں 55روپے کا اضافہ کیا۔ملک میں پیٹرول 321روپے 17پیسے اور ڈیزل 335روپے 86پیسے فی لیٹر ہے۔